မေတ္တာရှင်

နံရံက ပြက္ခဒိန်ကို မိခင်တစ်ယောက်လှမ်းကြည့်ပြီး စိတ်ထဲက ရက်ကိုသာရေတွက်နေမိတယ်။ တစ်နေ့ ဘယ်နှစ်ခါကြည့်မိမှန်းပင်မသိတော့။ အိမ်ရှေ့ရောက်ရင် ဧည့်ခန်းထဲက ပြက္ခဒိန်ကိုကြည့်လိုက်မိတယ်။ မီးဖိုချောင်သွားဖို့ ထမင်းစားခန်း ကို ဖြတ်ရရင် ထမင်းစားခန်းက ပြက္ခဒိန်ကိုကြည့်ပြန်တယ်။ ဘယ်လောက်ကြည့်ကြည့် ကြည့်လို့မဝအောင်ဖြစ်နေရတယ်လေ။ ပြက္ခဒိန်ကြည့်ပြီး ရက်ရေတွက်ရတာကိုက အမေကြီးအတွက် ပီတိတစ်မျိုး။ အဝေးရောက်နေတဲ့ သားကြီးနှစ်ယောက်ပြန်လာဖို့ကို လက်ချိုးရေတွက်နေရတာနဲ့ ဘုရားကိစ္စတောင်မေ့တေ့တေ့ ဖြစ်နေရတယ်။ အမေ့ရင်ခွင်ထဲက သားကြီးနှစ်ယောက်ထွက်သွားကတည်းက အမေ့အိမ်ဟာ ပျင်းရိညည်းငွေ့စရာကောင်းနေတာကတော့အမှန်ပါပဲ။ အဖေကြီးက မနက်ခုနှစ်နာရီဆိုရင် သူ့အလုပ်ကိုသွားပြီ၊ အိမ်မှာကျန်နေရစ်တဲ့ အငယ်ကောင်ကလည်း အဖေနဲ့ ရှေ့ဆင့်နောက်ဆင့်လိုထွက်သွားလိုက်ကြတာ ညထမင်းစားချိန် ခုနှစ်နာရီ ရှစ်နာရီမှပြန်ရောက်တတ်ကြတော့ အိမ်မှာအမေတစ်ယောက်တည်းရယ်။ အဖော်ဆိုလို့ အလတ်ကောင်မွေးထားခဲ့တဲ့ ချစ်ပု ဆိုတဲ့ ခွေးပုလေးကိုဘဲ စကားပြောလိုက် ရေချိုးပေးလိုက်နဲ့ အမေရဲ့  တစ်နေ့တာအချိန်တွေက်ို ကုန်ဆုံးစေခဲ့ရတာလေ။

အမေကြီး ပုတီးစိတ်ရင်းဧည့်ခန်းမှာချိတ်ထားတဲ့ သားသုံးယောက်ရဲ့  ပုံတွေကိုအကြည့်ရောက်သွားတော့ ပုတီးစိတ်တာရပ်သွားပြီး သားတွေဆီ စိတ်ရောက်သွားရပြန်တယ်။ သားအကြီးဆုံးက သဘောင်္သား၊ အလတ်က စကာင်္ပူမှာ၊ အငယ်ဆုံးက သူ့ကိုယ်ပိုင်လုပ်ငန်းနဲ့ သူ့ဝင်ငွေသူ။ ဒီလိုဆိုတော့လည်းအမေတစ်ယောက် သက်ပြင်းချရင်းသားတွေဒီလို ဖြစ်သန်းလာရတဲ့ဘဝကို ပြန်မြင်ယောင်လာပြန်တယ်။

သာမာန်ဝန်ထမ်းဘဝနဲ့ သားတွေဘဝရှေ့ရေးအတွက်ဖြတ်သန်းလာရတာဟာ ခရောင်းလမ်းတော့မဟုတ်ခဲ့တာ ဒီအဖေနဲ့ ဒီအမေသာ အသိဆုံးမဟုတ်လား။ ယေကျာ်းလေး သုံးယောက်ကိုထိန်းရတာလည်း လွယ်တာမှမဟုတ်ဘဲ။ အာပေါက်အောင်ပြောဆို ဆုံးမနိုင်လွန်းလို့ ဒီအခြေနေရောက်လာတယ်ပြောရမှာဘဲလေ။ ကြိုးစားခဲ့သမျှ ခုတော့အရာထင်ပြီပြောလို့ရအောင် အမေတစ်ယောက်လက်မထောင်နိုင်ခဲ့ပြီလေ။

“သားကြီးတစ်ယောက်ရော သဘောင်္မှာအဆင်မှပြေပါ့မလားမသိဘူး နှစ်မပြည့်ဘဲဘာလို့များပြန်လာရတာလဲမသိဘူး။ သူအကြောင်းနဲ့ သူနေမှာပေါ့လေ။ သူလည်းအတွေ့ကြုံရှိနေတာဘဲ စိတ်ချလို့ရပါတယ်လေ။ ဒါပေမယ့် ဒင်းကအပျော်အပါးမက်နေတာ့ ပိုက်ဆံမှ စုမိပါ့မလားမသိဘူး။ ကိုယ်တွေမှာမလိုဘူးဆိုပေမယ့်လို့ သူတို့တွေနောင်ရေးကရှိသေးတယ်မဟုတ်လား။ အော် အသက်ဘဲ သုံးဆယ်နားကပ်နေမှတော့ သိမှာပါလေ။ အလတ်ကောင်ကတော့ အနေအေးပေမယ့် သူကလည်း မထင်ရင် မထင်သလိုလုပ်တတ်တာ။ အပေါင်းအသင်းကလည်းပေါမှပေါ။ မဟုတ်မဟတ်တွေလျှောက်လုပ်နေမှဖြင့် ငါအမေ ရင်ကျိုးရဦးမယ်။”

“ဝုတ်…ဝုတ်…..ဝုတ်”

ချစ်ပု အော်သံကြားမှ ပုတီးစိတ်ရင်း သားတွေဆီ စိတ်ရောက်သွားတာ သတိရတော့တယ်။ ဒီလိုအဖြစ်ကလည်းမဆန်းတော လူကသာအလုပ် လုပ်နေရတယ် စိတ်ကတော့ သားတွေဆီအမြဲရောက်နေရတာလေ။ အဝေးကသားတွေအတွက်ကလည်း ပုတီးစိတ်ပြီးတိုင်း မေတ္တာပို့နေရတယ်။ အနားကသားကိုလည်း လုပ်ငန်းခွင်မှာ အဆင်ပြေဖို့ အရောင်းအဝယ်ကောင်းဖို့ ဆုတောင်းပေးနေရတာဘဲလေ။ တစ်နေ့တစ်နေ့ သူတို့အကြောင်း ဘဲတွေးနေရတာနဲ့ ကိုယ့်အတွက်တောင်ဘာမှ မစဉ်းစားနိုင်ပါဘူး။

ဒါကြောင့် အိမ်ကသားအငယ်ကောင်ကတောင် “မေမေ့သားတစ်ယောက် ဒီမှာရှိသေးတယ်ဆိုတာလည်းသတိရပါဦး” တဲ့လေ“နိုင်ငံခြားကလူတွေမှ သားမဟုတ်ပါဘူး ဒီကလည်းသားပါဘဲ” တဲ့ “သားရယ်မင်းအကိုတွေက ရေခြားမြေခြားမှာ အလုပ်သွားလုပ်နေရတော့ စိတ်ပူလို့ပါကွာ” ဆိုပြီးပြန်ချော့ရသေးတယ်။ ဒါတောင်သူကပြန်ပြောသေးတာ။ “ဒါကြောင့်မေမေကို ဒေါ်ပူပူ လို့ခေါ်ကြတာ” တဲ့လေ ကောင်းရော။“တကယ်လည်း သားငယ်လေးရှိလို့ မေမေ သက်သာနေရတာပါသားရယ်”အမေကြီးစိတ်က သားငယ်ဆီရောက်သွားပြန်ရောလေ။ ဟုတ်တော့လည်း ဟုတ်တာဘဲလေ အိမ်မှာကအဖော် ခေါ်မထားတာ တော်တော်ကြာနေပြီ ဒီတော့ မိုးလင်းတာနဲ့ အငယ်ကောင်က ဈေးသွား ချက်ပြုတ်ပြီးမှ အလုပ်သွားတာ။ သူကတော့ အလုပ်ကို ထမင်းဘူးမယူဘူးလေ အလုပ်မှာစားတာ။ သူ့ကောင်မလေးနဲ့တွေ့တဲ့နေမှ ကောင်မလေးကြိုက်တဲ့ဟင်းချက်ယူသွား တာ ဒါတော့အမေမကြိုက်ပေါင် မိန်းကလေးအတွက်များ သူကချက်ပြုတ်ယူသွားရတယ်လို့ အမေကြီး စိတ်ထဲကနေ မဲ့လိုက်မိသေးတယ်။

အမေကြီး တွေးကောင်းကောင်းနဲ့တွေးနေတုန်း နာရီကြည့်မိတော့မှ “ဘုရားရေ ” ဆိုပြီးအသံထွက်သွားတယ်။ ငါးနာရီဆိုရင်မီးပျက်တော့မယ်။ မီးမပျက်ခင် ထမင်းအိုးတည်ရဦးမယ် ခုဘဲလေးနာရီထိုးနေပြီ မှီတော့မှီကောင်းပါရဲ့ ။ အော်“သားတွေအကြောင်းများတွေးမိရင် ထမင်းမေ့ ဟင်းမေ့ဘဲ” ဆိုတဲ့ အဖေကြီးစကားပြန်ကြားမိတော့ ပြုံးရသေးတယ်။အတွေးကိုဖြတ်ပြီး ကမန်းကတန်း ဆန်ဆေးပြီး ပေါင်းအိုးထဲထည့်လိုက်ရတယ်။ မီးပျက်သွားရင် ဂတ်(စ်) အိုးနဲ့ချက်လို့ရပေမယ့် ထမင်းအိုးကို လက်တွေကကောင်းကောင်းမနိုင်ချင်တော့ဘူးလေ။ ဘုရား တရားမလို့ မီးရယ်မပျက်လိုက်ပါဦး လို့ ဆုတောင်းလိုက်မိပြန်ရောလေ။ ဒိီအချိန်မှာတော့ မီးမပြတ်ဖို့ ကနေ ဘာကိုမှ အာရုံမရောက်နိုင်တော့။ ဟုတ်တယ်လေ မီးက လာရမယ့်အချိန်သာနောက်ကျတာ ပြတ်ဖို့ဆိုရင် ဝီရိယက ကောင်းလွန်းလို့ခက်နေရတာလေ။ ထမင်းပေါင်းအိုးက “ထောက်” ဆိုပြီး မောင်းတတ်သွားမှ အမေကြီး သက်ပြင်းလေးချနိုင်တော့တယ်။ မကြာပါဘူး လျှပ်စစ်မီးကတော့ ဘုရားခေါ်ရာကို ကောက်ကောက်ပါအောင်လိုက်သွားပြီလေ။ နာရီကြည့်မိတော့ လေးနာရီခွဲပြီးခါစဘဲရှိသေးတယ်။ တော်သေးတယ်ဆိုပေမယ့် ထမင်းကတော့ ရေခမ်းရုံဘဲရှိဦးမယ်။ အနပ်တော့နည်းနည်းလိုမယ်ထင်တယ်။ သားကြီးသာရှိရင် ချော့မော့ကျွေရဦးမယ် လို့တွေးလိုက်မိတယ်။ သူက ထမင်းကို ပျော့လည်းမစား မာလည်းမစားနဲ့ ဘယ်လိုကောင်လေးမှန်းမသိဘူး။ သဘောင်္ပေါ်မှာတော့ဘယ်လို စားမလဲမသိဘူး အမေ့ဆိုရင်အရမ်းနိုင်တာ။ တစ်ယောက်တည်းပြောရင်း လက်က ပုတိီးဆီပြန်ရောက်သွားရပြန်တယ်။ ဒီတစ်ခါတော့ အာရုံထည့်ပြီးစိတ်ရမယ် ပုတီးပတ်တွေကလိုနေသေးတယ်လေ။ ညကျရင် ကိုရီးယားကားကလည်း ကောင်းခန်းရောက်နေပြီ လက်လွှတ်လို့မဖြစ်ဘူး။ အော် ပုတီးစိတ်ပါ့မယ် ဆိုကာမှ ကိုရီးယားကား အကြောင်းရောက်သွားပြန်ပြီ လွင့်နေတဲ့ စိတ်ကိုစုစည်းလိုက်တာတောင်မှ နံရံကပြက္ခဒိန်ပေါ် အကြည့်ရောက်သွားသေးတယ်။

“ တီ….တီ….တီ၊ ဝုတ်…..ဝုတ်…..ဝုတ်” ဒါအငယ်ကောင့် ကားဟွန်းသံ၊ အမေမျှော်နေမှန်းသိလို့ လမ်းထိပ်ကတည်းက ကားဟွန်းတီးလာတာ။ ကားဟွန်းသံကြားတာနဲ့ ချစ်ပုကလည်းအသံပေးပြီး အမေ့ကိုကြည့်ဟောင်လိုက် ခြံရှေ့ထွက်ပြေးလိုက်နဲ့ အမေရေ ပျင်းမနေတော့ ပြန်လာကြပြီလို့များပြောနေသလားမသိပါဘူး ။ ဒါကလည်း သူ့အလုပ်လေ အိမ်ကကားတွေရဲ့ ဟွန်းသံကို သူအကုန်မှတ်မိနေတာ ကားဟွန်းသံကြားရင် သူ့မှာလည်းပျာယာခတ်နေပြီ။ ပြန်လာသမျှ လူကိုထွက်ကြိုရတာလည်း သူ့မှာမော။ အမေလည်း ခုမှပြုံးနိုင်တော့တယ်။ အငယ်ကောင် ကားပေါ်ကဆင်းဆင်ခြင်း နင့်အကိုတွေပြန်လာတော့မယ်ဆိုပြီးစီးပြောလိုက်ရတာ အရသာကိုရှိနေတာဘဲ။ “ကိုကြီးရော ကိုလတ်ရောလား”။ “ဟုတ်တယ် ကိုကြီးသဘောင်္က ခုစင်ကာပူကိုသွားနေတယ် အဲဒီမှာ ဆင်းပြီး ကိုလတ်နဲ့အတူပြန်လာမယ်တဲ့၊ ကိုကြီးကတော့ ဒီမှာကြာဦးမှာပေ့ါ ကိုလတ်ကတော့ ခွင့်က တစ်ပတ်ဆယ်ရက်လောက်ဘဲရမှာလို့ပြောတာဘဲ”။ “ကောင်းပါတယ် သားတို့မိသားစု အတူမဆုံရတာဘဲ ကိုလတ်ထွက်သွားကတည်းက မဟုတ်လား ဆူသံပူသံလေးတွေ ပြန်ကြားရဦးမှာပေါ့” ဆိုကာ ချစ်ပုကိုကောက်ချီပြီးထွက်သွားတဲ့ အငယ်ကောင်ရဲ့  နောက်ကျောကိုဘဲ လိုက်ကြည့်နေမိတော့တယ်။ “သူကလည်းတစ်မျိုး ဘယ်တော့မှ လူတွေနဲ့ အပေါက်လမ်းတည့်အောင်မပြောဘူး ဒီအချိုးနဲ့ ဘယ်လိုများစီးပွားရေးလုပ်နေလဲမသိဘူး” လို့တွေးလိုက်မိသေးတယ်။ ဒါပေမယ့် သူ့မျက်နှာပေါ်က ပျော်သွားတဲ့ အရိပ်အယောင်လေးကို တော့ အမေလုပ်သူက မြင်ဖြစ်အောင်မြင်လုိက်သေးတယ်လေ။ အမေဆိုတာက သားတွေရဲ့  မျက်နှာကို အမြဲတမ်း ဖတ်တတ်နေကြမဟုတ်လား။

“တီ…တိီ…တီ” ပြန်လာပြန်ပြီ နောက်တစ်ယောက် ဇာတ်လမ်းကကောင်းနေပြီဆိုရင် “သားရေနင့်အဖေပြန်လာပြီ တံခါးဖွင့်ပေးလိုက်ပါဦး” အမေကြီးကတော့ ဒီအချိန်ဆိုရင် တီဗီရှေ့ကမထချင်တော့။ တစ်နေကုန် အိမ်မှာတစ်ယောက်မတည်းနေရတာ ဒီအချိန်လေးဘဲ ဇာတ်လမ်းကြည်ပြီး စိတ်ဖြေနေရတာဆိုတော့ ဒီအချိန်ကိုဘာနဲ့မှ မလဲနိုင်ပါဘူး။ “သားကြီးတို့နှစ်ယောက် ပြန်လာတော့မယ်ဆို ဘယ်တော့လို့ပြောလဲ”အငယ်ကောင်ပြောလိုက်လို့ထင်တယ် အဖေကြီးအနားလာပြီး ချက်ချင်းမေးနေတယ်။ “ဟုတ်တယ်” အမေကြီး ဒါဘဲပြောနိုင်တယ် အာရုံက ကိုရီးယားကားကခွာလုိ့မရသေး။ ဒီအချိန်မှာ သူ့စိတ်ထဲဘာမှမရှိတော့ “နောက်မှပြောမယ်ကွာ” ဇာတ်လမ်းကကောင်းနေပြီ အဖေကြီးကို တစ်ခါတည်းမောင်းထုတ်လိုက်တော့ ခေါင်းကုတ်ပြီးထွက်သွားတယ်။ အငယ်ကောင်က ကြည့်ပြီးရယ်နေတော့ အဖေကနောက်ကနေ လက်ဝါးခါပြလိုက် ခေါင်းခါပြလိုက် လုပ်နေလို့ မျက်စောင်းထိုးလိုက်ရသေးတယ်။

အငယ်ကောင်ပြင်ထားတဲ့ ထမင်းဝိုင်းမှာ ဝင်ထိုင်ထိုင်ချင်း ထင်ထားတဲ့အတိုင်းဘဲ “ အမေ့ ထမင်းကအနပ်လိုသေးတယ်” ဆိုတဲ့ အငယ်ကောင်ဆီကအသံထွက်လာတယ်။ “မီးပြတ်သွားလို့ပါကွာ”လို့ ပြန်ပြောရင်း စိတ်ထဲကတော့ “မင်းအကိုတွေအကြောင်းတွေးနေတာနဲ့ ထမင်းအိုးတည်ဖို့မေ့သွားဟေ့” လို့ဆက်ပြောလိုက်မိသေးတယ်။“ ပြောပါဦး သားတို့နှစ်ယောက်က ဘယ်လိုလုပ်အတူတူပြန်လာမှာလဲ့”။ “သားကြီးကစင်္ကာပူမှာဆင်းရမှာတဲ့ အဲဒါသူ့ညီဆီ ဖုန်းဆက်ပြီး အတူပြန်ဖို့လှမ်းပြောတယ်တဲ့ အလတ်ကောင်ကလည်း ပြန်လာချင်နေတာဆိုတော့ ခွင့်တင်ပြီး သူ့အကိုနဲ့ အတူတူပြန်လာမှာ နောက်အပတ်ထဲရောက်မယ်တဲ့” အမေကြီး ထမင်းမစားနိုင်သေး သူသိထားသမျှကုိ ဖောက်သည်ချရတာနဲ့တင် ဗိုက်ကပြည့်နေပြီ။ “မင်းသားကြီး ပြန်လာတော့မပျင်းရဘူးပေါ့ကွာ မင်းနဲ့ရန်ဖြစ်သံတွေကြားရဦးမှာပေါ့ ခုသာမျှော်နေ သားအမိတွေကတည့်ကြတာကိုး”လို့ပြောပြီးရယ်နေတဲ့ အဖေကို့ မျက်စောင်းလှမ်းထိုးရင်းက “သူတို့ပြန်လာရင် သားအလုပ်မသွားနဲ့နော် နင့်အကိုတွေဖို့ ဟင်းချက်ရအောင်လေ၊ မေမေတို့ မနက်စောစော ဈေးသွားကြမယ်လေ”။ အငယ်ကောင်လှမ်းကြည့်တော့မသိဟန်ဆောင်ပြီးဆက်ပြောတယ် “မင်းအကိုကြီးအတွက်ကတော့ ငါးခူလေးတွေ ကျွတ်နေအောင်ကြော်ပြီး ငရုတ်သီးနဲ့ ပြန်လှိမ့်ရမယ်၊ ပြီးရင်ကန်စွန်းရွက်ချဉ်ရည်ချက်မယ်၊ ကိုလတ်အတွက်ကတော့ ဝက်သားကိုကျွတ်နေအောင်ကြော်ပေးထားရမယ် သူကအခြောက်အခြမ်းသိပ်ကြိုက်တာလေ”။ “အမေကြီးရယ် ထမင်းစားလိုက်ပါဦး ဟိုကလူတွေပြန်လာဖို့က တစ်ပတ်လောက်လိုပါသေးတယ်၊ သွားခေါ်လို့ရရင် မင်းသားတွေကိ်ို ခေါ်ပြလိုက်ချင်တယ် မင်းတို့အမေဖြစ်နေတာကြည့်ကြဆိုပြီးတော့လေ”ဆိုပြီး အဖေကပြောတော့ ရယ်ကျဲကျဲလုပ်နေတဲ့ အငယ်ကောင်ကို “နင်ကဘာရယ်တာလဲ” ဆိုပြီးလှည့်မဲလိုက်သေးတယ်။ “ဘာမှ မဟုတ်ပါဘူးဗျာ ကိုကြီးတို့ပြန်လာရင် ဖေဖေလက်ဆောင်ရထားတဲ့ ပုလင်းတစ်လုံးတည်းနဲ့ မလောက်မှာဆိုးလို့ ထပ်ဝယ်ထားရဦးမှာဘဲဆိုပြီး တွေးလိုက်မိလို့ပါ”။ အဖေကတော့ဘာမှ မပြောတော့ပေမယ့် ဒီကောင်တွေ ဟိုမှာဘယ်လောက်တောင် သောက်နေမလဲလို့ ပူရပြန်ရောလေ။“အော်ငါ့နှယ့်ပူစရာတွေချည်းပါလားနော်” လို့တွေးမိသေးတယ်။

“ အဖေကြီး သားတွေ အမေကြီး မွေးနေ့အမှီပြန်ရောက်လာရင်ကောင်းမယ်နော် မိသားစုဆုံတုန်း ဘုန်းကြီးဆွမ်းကျွေးရအောင်လေ”။ အိပ်ပျော်ခါနီး အဖေကြီးခမျာ အမေကြီးစကားကြောင့် ကြောင်တောင်ဖြစ်သွားပြီး ဘာပြောလိုက်တာလဲလို့ ပြန်မေးလိုက်ရပြန်တယ်။“ဒါကြောင့်ပြောတာပေါ့ ရှင့်မှာသားတွေကိုသတိရတဲ့ စိတ်ရောရှိသေးရဲ့ လား ရှင့်ခေါင်းထဲမှာအလုပ်ဘဲထည့်ထား ကြာရင်အိမ်က မိန်းမပါမေ့သွားမလားမသိဘူး ရှင့်သားတွေ ကျွန်မမွေးနေ့အမှီပြန်လာရင် ဘုန်းကြီးဆွမ်းကပ်ချင်တယ်ပြောနေတာ ကိုယ့်မိန်းမ မွေးနေ့ရောမှတ်မိသေးရဲ့ လား”။ “အိပ်ပါတော့အမေကြီးရာ တစ်နေကုန်သားတွေ အကြောင်းတွေးနေတာ ခုထိလည်းမအိပ်နိုင်သေးဘူး သားတွေအကြောင်းရောက်လာပြန်ပြီ အဖေကြီးကိုရောချစ်သေးရဲ့ လားဟင်” “ ဒီအသက်ရွယ်ကြီးရောက်မှ ရှင်ကအချစ်ခံချင်သေးလို့လား” ဆိုကာတစ်ဖက်စောင်း၍ အမေကြီးအိပ်လိုက်ပါတော့တယ်။

သင်္ဘောပေါ်ကဟာသများ (၂)

စာစုအမှတ်( ၃ )

စကာင်္ပူကိုမြေဖို့ပေးနေတဲ့ သဲသဘောင်္တစ်စီးမှာတုန်းကလည်း အမှတ်ရစရာလေးတွေရှိခဲ့သေးတယ်လေ။

အဲဒီသဘောင်္ပေါ်မှာ ကိုရီးယားရယ် ဘင်္ဂလားဒေ့ရ်ှရယ် ကျွန်တော်တို့မြန်မာရယ် လူမျိုးသုံးမျိုး အလုပ်လုပ်ကြရပါတယ်။ ဘင်္ဂလားဒေ့ရ်ှကတော့ သဘောင်္သားတွေမဟုတ်ပါဘူး။ စကာင်္ပူကို W/P နဲ့ခေါ်ထားပြီး သဘောင်္ပေါ်တင်ပေးထားတာပါ။ ကျွန်တော်တို့မြန်မာတွေကိုလည်း လက်မှတ်လိုအပ်ချက်ကြောင့် ခေါ်ထားရတာလေ။ ကျွန်တော်တို့ မြန်မာလေးယောက်မှာ ကျော်ဇေယျ ဆိုတာကတော့ လူရွတ်တစ်ယောက်ပါ။ လက်မြန်ခြေမြန်လည်းရှိတာကြောင့် တစ်စီးလုံးကသူ့ကိုလန့်ကြပါတယ်။ ကျွန်တော်တို့အပေါ်မှာတော့ တကယ်ကို သိတတ်တဲ့သူငယ်ချင်းတစ်ယောက်ပါဘဲ။

တစ်နေ့ အသစ်ရောက်လာတဲ့ ဘင်္ဂလားဒေ့ရှ် အဘိုးကြီးတစ်ယောက်နဲ့ စကားနဲ့ဆုံကြနေတာကျွန်တောတို့ တွေ့လိုက်ကြသေးတယ်။ ခဏနေတော့ အဘိုးကြီးက အနားကဂေါ်ပြားနဲ့ လိုက်ရိုက်တာ ကံကောင်းလို့ ကျော်ဇေယျ ခေါင်းမကွဲတာ။ကျွန်တော်တို့ လည်း ဘယ်လိုဖြစ်တာလည်းမေးတော့မှ တဟားဟား ရယ်ပြီး အောက်ပါအတိုင်းပြောပါတယ်။

“ငါကအဘိုးကြီးကို မိန်းမ ရှိလားမေးတော့ ရှိတယ်ဆိုပြီး ဓာတ်ပုံထုတ်ပြတယ်ကွ၊ ကောင်မလေးကငယ်ငယ်လေးကွ။” “ကလေးရောရှိလားဆိုတော့ အလာ မပေးသေးဘူးဆိုပြီးပြောတော့ငါလည်း စချင်တာက မနေနိုင်တော့ဘူးလေကွာ၊ ဒါနဲ့ အလာ မပေးရင် ငါပေးမယ် ငါ့ဆီလွှတ်လိုက်လို့ ပြောလိုက်တော့ သူအစတော့ စဉ်းစားသေးတယ်ကွ နောက်မှ သဘောပေါက်ပြီး ငါ့ကိုလိုက်ရိုက်တာကွ” ဆိုပြီး အားရပါးရရယ်ပါတော့တယ်။ ကျွန်တော်တို့လည်း မင်းတစ်ခါတည်း ခေါင်းပါပြုတ်သွားရမှာကွ လို့ပြောရင်း ရယ်ချလိုက်ပါတော့တယ်။

~~~~~~~~~~~~~။~~~~~~~~~~~~~~

စာစုအမှတ်( ၄ )

ကျွန်တော်တို့ ကိုရီးယား Costal သဘောင်္လိုက်တုန်းကပေါ့။

သဘောင်္တစ်စီးမှာ မြန်မာ တစ်ယောက်စ နှစ်ယောက်စရှိပါတယ်။ သုံးယောက်ဆိုတာအလွန်ဆုံးဘဲလေ။ ကျွန်တော်ကတော့ထုံးစံအတိုင်း ဘုန်းမောင် တစ်ယောက်တည်းဘဲလေ။ ဒီတော့လည်း မြန်မာစကားပြောချင်တာတို့ မြန်မာစာလေးစားချင်တာတို့ ဖြစ်မိတာပေါ့။ ဒါကလည်းမြန်မာပါတဲ့ သဘောင်္ချင်းတွေ့မှ အဆင်ပြေတာမဟုတ်လား ဒီတော့လည်း မြန်မာပါတဲ့ သဘောင်္တွေကိုမျှော်ရတာပေါ့။

ကိုရီးယားက ယိုဆူး ဆိုတဲ့မြို့  က Tanker ဆိပ်ကမ်းတစ်ခုကိုရောက်ရင်တော့ မြန်မာပါတဲ့ သဘောင်္တွေ အမြဲတွေ့ရတတ်တယ်လေ။ တစ်ခါတစ်လေဆိုရင် တစ်ခြားနိုင်ငံကလာတဲ့ သဘောင်္တွေမှာမြန်မာတွေပါလာရင် မုန့်ဟင်းခါးတို့ ဘာတို့ စားရတတ်တယ်။ အဲဒီဆိပ်ကမ်းရောက်ရင်တော့ ကျွန်တော်မှာ နားချိန်မရှိတော့ဘူး သဘောင်္တွေလိုက်လည် ပြီးရင် စာအုပ်တွေလိုက်လဲနဲ့ အလုပ်ကိုဖြစ်နေတာပါဘဲ။ တစ်နေ့ ကျွန်တော်ဆီကို တစ်ခြားသဘောင်္က ကိုအောင်နိုင်ဆိုတဲ့လူရောက်လာတယ်။ ကျွန်တော်နဲ့လည်း တော်တော်ခင်ပါတယ်။ ညကို သူ့ဆီမှာ ထမင်းလာစားဖို့ လာခေါ်တာပါ။ ဒါနဲ့ ကျွန်တော်ဂျူတီပြီးတော့သူ့ဆီထွက်လာလိုက်တယ် အချိန်ကတော့ ညဆယ့်နှစ်နာရီကျော်ပါပြီ။ သူများတွေအဖို့ကတော့ အိပ်ချိန်ပေါ့ ကျွန်တော်တို့ အတွက်ကတော့ အဲဒီအချိန်မှ အားကြတာလေ။ ကိုအောင်နိုင်က ခရမ်းချဉ်သီးငါးပိချက်နဲ့ ဝက်သားပြုတ်ကြော် ချက်ထားတာ အတို့ အမြုပ်လေးလည်းပါတယ်ဆိုတော့ တကယ့်ကိုမြန်မာပြည်ပြန်ရောက်သွားသလိုပါဘဲ။ ကျွန်တော်တို့လည်း ကိုရီးယားဆိုဂျူးလေးရယ် ငါးပိချက်လေးရယ်ဆိုတော့ စားလို့ကောင်း သောက်လို့ကောင်းပေါ့။ ဒီအခိ်ျိန်မှာ သူ့သဘောင်္က ကိုရီးယားတစ်ယောက်ရောက်လာပြီး ကျွန်တော်တို့နဲ့ ဝင်ဝိုင်းပါရောလေ။ ကျွန်တော်တို့မှာလည်း သူ့ဧည့်ခံနေရတာနဲ့ စကားတောင် ကောင်းကောင်းပြောလို့မရတော့ဘူး။

ကျွန်တော်တို့နဲ့ ကိုရီးယားတွေရဲ့  ပြောဆိုဆက်ဆံနေပုံကိုလည်းပြောပြရဦးမယ်။ ကိုရီးယား Costal မှာက ကိုရီးယားအဘိုးကြီးတွေများပါတယ်။ ဒီတော့ အင်္ဂလိပ်လို မပြောတတ်ကြတာကများပါတယ်။ ကျွန်တော်တို့ကလည်း ကိုရီးယားလိုမတတ်ကြတော့ ပြောဆိုဆက်ဆံရတာ တော်တော်လက်ပေါက်ကပ်ပါတယ်။ နိုင်ငံတကာ ဘာသာစကားဖြစ်တဲ့ လက်ဟန်ခြေဟန်နဲ့ပဲ ပြောဆိုလုပ်ကိုင်နေရတာပါ။ အဲဒါပေမယ့် အင်္ဂလိပ်လို မတတ်တခေါက်လောက်တတ်တဲ့ လူဆိုရင်တော့ ကျွန်တော်တို့နဲ့ သိပ်ကိုစကားပြောချင်တာလေ။ ခုနက ကျွန်တော်တို့ ထမင်းဝိုင်းရောက်လာတဲ့ ကိုရီးယားက ထမင်းစားရေသောက်လောက်တော့ ပြောတတ်တယ်ဆိုပါတော့။ ထုံးစံအတိုင်းပေါ့ မင်းတို့တိုင်းပြည် လူဦးရေဘယ်လောက်ရှိလဲတို့ ဘာတို့ပေါ့နော်။ နောက်တော့ မြန်မာပြည်မှာ ဝင်ငွေအကောင်းဆုံးက ဘာအလုပ်လဲမေးတော့ ကျွန်တော်တို့လည်း စစ်သားလို့ ပြီးရင် အင်ဂျင်နီယာ၊ ဆရာဝန်၊ သဘောင်္သား စသည်ဖြင့်ပေါ့နော် လျှောက်ပြောကြတာပေါ့။ သူကဘာပြောလဲဆိုတော့ ငါတို့ဆီမှာကဆိုပြီး သူစဉ်းစားသွားတယ်။ ဘာလိုပြောရမှန်းမသိတော့လို့ဆိုတာတော့ ကျွန်တော်တို့က သဘောပေါက်ပြီးသားဆိုတော့ ဘယ်လိုပြောမလဲ ဆိုတာစောင့်နေတာပေါ့နော်။ နောက်တော့ တော်တော်စဉ်းစားပြီး “ Wooden hammer and tan tan tan office” ( ဝူးဒန်းဟန်းမား အန် တန်တန်တန် အော့ဖစ်) ဆိုပြီးပြောချလိုက်ရောလေ။ အစတော့ကျွန်တော်တို့လည်း ဘာပြောမှန်းမသိလို့ သူ့ပြန်မေးရတာပေါ့။ ဒီတော့မှ ဆရာက ပုံစံပါလုပ်ပြမှ ကျွန်တော်တို့ သဘောပေါက်တော့တယ်။ သူပြောချင်တာက တရားသူကြီး ကိုဆိုလိုချင်တာပါ။ သူတို့ဆီမှာ တရားသူကြီးက ဝင်ငွေအကောင်းဆုံးဆိုတာကို သူပြောတတ်သလို ပြောချလိုက်တာဟာ ကျွန်တော်တို့ မြန်မာတွေအတွက်တော့ ပြောစရာ စကားတစ်ခုရလိုက်တာပါဘဲလေ။

~~~~~~~~~~~~~~။~~~~~~~~~~~~~~~